Policia e Shtetit ka lëshuar informacionin zyrtar në lidhje me përplasjen e dhunshme midis aloleshentëve në qendër të Elbasanit.
Me anë të një njoftimi, uniformat blu bëjnë me dije se kanë marrë një telefonatë rreth orës 22:20, se në afersi të Pallatit të sportit disa adoleshentë janë konfliktuar me njeri- tjetrin.
Dyshohet se njëra nga palët është larguar me një automjet duke marrë me vete dhe një person tjetër pa deshirën e tij, por nga veprimet paraprake të kryera në vendin e ngjarjes nuk mund të konfirmohet ky fakt i pretenduar në telefonatën e ardhur në sallën operative, shton policia.
Njoftimi i plotë:
Elbasan/Informacion paraprak
Rreth orês 22:20, jemi njoftuar se në afersi të Pallatit të sportit disa adoleshentë janë konfliktuar ndërmjet njeri- tjetrit.
Në konflikt e sipër sipas të dhënave te ardhura në sallën operative dyshohet se njëra nga palët është larguar me një automjet duke marrë me vete dhe një person tjetër pa deshirën e tij.
Nga veprimet paraprake të kryera në vendin e ngjarjes nuk mund të konfirmohet ky fakt i pretenduar në telefonatën e ardhur në sallën operative.
Policia po punon për sqarimin e rrethanave dhe vertetesine e ngjarjes, nderkohë janë intensifikuar masat e sigurisë në qytet.
